香港人除咗食飯之外，食得最多嘅嘢一定係粉麵，打工仔嘅我哋無論冬天、夏天、晏就定夜晚都會食粉麵就做一餐。畢竟粉麵煮法多變，可以有唔同嘅選擇，點都唔會食得悶。再加上雲南米線連鎖店愈開愈多，令到打工仔有時都唔想煩就食米線就算。粉麵睇落去好似好健康，無咩油咁，更加有人為咗減肥就轉食麵，但食得粉麵多隨時有健康陷阱。
 
消委會同食安中心早前做咗測試咗10款亞洲風味嘅湯粉麵，包括冬蔭功金邊粉、麻辣米線（腩肉和墨魚丸）、叉燒拉麵（豬骨湯底）、雲吞幼麵、擔擔麵、越式生牛肉河、炸排骨湯麵、紅燒牛肉麵、海鮮喇沙和辣海鮮湯，合共100款樣本。佢哋測試時會將餸菜同麵舀起，然後分別測量食物部分同湯部分嘅鈉含量及能量值。而結果令人對嗌麵時要卻步，諗清楚先得。
 
2/3樣本鈉含量超標
消委會指出有76個樣本鈉含量高於世界衞生組織建議嘅平均成年人每日2,000毫克鈉攝入限量，都係屬於「高鈉／高盬」食品。
 
其中鈉含量最高嘅1款麻辣米線，比限量高出成2倍，吃一碗已經等於3日建議攝取限量嘅總和。以一日三餐計，全部100款樣本，每碗湯粉麵鈉含量，都超出每餐667毫克限量。其中鈉含量最少的雲吞麵樣本亦到達1,200毫克，超出每餐建議攝取限量8成。
 
世界衞生組織及世界癌症研究基金會近年有專家報告指，鹽同鹽醃嘅食物有可能增加罹患胃癌的風險。另外，食物安全中心指出，若然人體的鈉水平偏高時，會在尿液排出多餘的鈉，惟當中未能排出足夠的鈉，則會積存體內，可能引致高血壓。所以大家要留意以下排行榜，睇下你食開嘅果粉麵鈉含量。
 
10種湯麵每100克平均鈉含量／卡路里 排行榜

1. 冬蔭功金邊粉  440毫克鈉 / 81千卡
2. 麻辣米線（腩肉和墨魚丸）  420毫克鈉 / 87千卡
3. 叉燒拉麵（豬骨湯底）  380毫克鈉 / 110千卡
4. 雲吞幼麵  380毫克鈉 / 69千卡
5. 擔擔麵      350毫克鈉 / 160千卡
6. 越式生牛肉河  340毫克鈉 / 64千卡
7. 炸排骨湯麵      340毫克鈉 / 98千卡
8. 紅燒牛肉麵      310毫克鈉 / 93千卡
9. 海鮮喇沙  290毫克鈉 / 100千卡
10. 辣海鮮湯  290毫克鈉 / 71千卡

而成個測試最誇張嘅鈉含量係「雲貴川風味(小小辣)麻辣米線」，鈉含量高達6,000毫克。而港人最常食嘅「譚仔三哥米線」同「譚仔雲南米線」，鈉含量分別為3,900毫克同2,000毫克，都係高於世衛標準。
 
唔同餐廳嘅煮法都影響鈉含量
消委會發現就算係同樣嘅湯麵，但唔同餐廳嘅出品，鈉含量都可以有好大嘅差距。以冬蔭功金邊粉為例，最低鈉嘅樣本嚟自Greyhound，每碗含1,600毫克鈉，而「金坊泰國美食」嘅冬蔭功金邊粉就係最高鈉含量成5,400毫克，同Greyhound相差約2.4倍。
 


湯底係高鈉的「幕後黑手」
消委會報告都指出如果我哋剩係食麵同埋啲餸菜而不喝湯，鈉含量即即係可以減少18%至68%不等，超標嘅樣本則都驟減到20款，而減幅最大的嘅是係一款冬蔭功金邊粉，鈉含量由3,000毫克減至970毫克。但香港人鐘意食嘅麻辣米線，就算唔飲湯仲有9個樣本都超標，因為墨魚丸同腩肉本身都係高鈉食物，所以都會有所影響。
 
消委會最後都有提醒大家消食粉麵時果陣可以留意以下事項﹕

• 點餐時，要求食肆減低食物的鹹度或減少添加醬汁﹔
• 盡量不喝湯以減少鈉的攝取量；
• 如湯粉麵份量較大，可考慮與他人分享﹔
• 減少添加或在試味後才酌量添加調味粉、醬汁和佐料。

文：Silver