有幾樣嘢喺夏天大家都好鍾意，一係冷氣，二係凍嘢飲，三係雪糕。出完街，食一杯凍冰冰嘅雪糕可以話透天涼之餘，更加係人間一大享受。唔少人都會買定啲雪糕放喺屋企，以備不時之需，但係你又知唔知道你食開嗰隻雪糕有幾多糖？健唔健康？想知道邊隻最好就睇落去啦！
消委會最近就測試咗市面29款預先包裝同非預先包裝嘅雪糕，睇吓佢哋嘅含菌量同防腐劑有無超標，而結果嚇你一跳！
得3款雪糕無加添加劑！- Movenpick Vanilla Dream Ice Cream
- HaagenDazs 士多啤梨雪糕
- HaagenDazs 抹茶雪糕
喺20款預先包裝好嘅雪糕入面，有17款都係加咗添加劑喺入面，好似色素、乳化劑、調味劑、穩定劑。
雖然好多食品都會加添加劑以增加佢嘅味道、顏色同口感，但係有外國嘅食品標準局曾經指出人工色素可能會影響小朋友嘅行為同專注力，而姐呢啲添加劑有大量嘅化學物，令到食物營養價值會惢較低，比起天然食物更加多糖份，脂肪同熱量，容易增加患上慢性病和肥胖的機會。
所以如果大家要買雪糕，最好都係買啲無添加劑嘅雪糕！
4款無菌雪糕！
- MÖVENPICK Vanilla Dream Ice Cream
- 阿波羅 朱古力味冰凍甜點
- XTC GELATO 朱古力意式雪糕
- GODIVA 黑巧克力軟雪糕
好多時喺整雪糕時會有多個工序而導致雪糕含菌量超標，而今次29款雪糕入面只有4款雪糕係無驗檢出細菌。
而MÖVENPICK Vanilla Dream Ice Cream更加係唯一一款無細菌同添加劑嘅雪糕。
2款細菌超標的雪糕！
有好嘅雪糕就當時有唔好嘅雪糕，今次消委會就檢驗咗兩款細菌超標嘅雪糕，大家要留意返啦！
「阿波羅」薄荷朱古力 - 總含菌量為每克含58,000個細菌
「KFC」特選牛乳朱古力曲奇新地 - 每克含280個大腸菌群
以上呢兩款嘅雪糕都係超出哂標準，顯示呢兩款雪糕嘅衞生情況好惡劣，雖然唔會食物中毒但都係少食為妙！
最後推介4款低糖低脂嘅雪糕俾大家！
今次測試發現咗有19款雪糕都係屬於「高糖」嘅雪糕，即係每100克有15克嘅糖係入面，如果成日食嘅話會導致蛀牙、肥胖同埋糖尿病。
但係又咁講食得雪糕就當然預咗係甜同唔健康㗎啦！但重點係揀啲對相對低糖同低脂嘅雪糕令自己食得開心啲。
而我哋今次喺度同大家分享4款「低糖」同「低脂」嘅雪糕令大家食完無咁有罪惡感。
1. 天仁茗茶 御選綠茶霜淇淋
2. 樂天Lotte Monaco Multi Vanilla Flavour Frozen Confection
3. MILK TOP 北海道牛奶雪糕
4. 首選牌 特濃朱古力味冰凍甜點
資料來源：消委會 / 文：阿飛
3 days ago 
中文