在大公司或是細公司工作較好？有打工仔在網上發文指，現時正在一間大公司工作，月薪連同津貼達5.2萬，但較少晉升機會，並指近日被另一間細公司錄取，並基於一個原因而猶疑應否從大公司轉到細公司工作。

一名打工仔在討論區出帖發文指「收到呢個offer你走唔走？」，內容大意指自己現時正在一間大公司工作，月薪為4.3萬另有津貼，大約每月收入為5.2萬，而且福利好、有薪年假多，不過晉升機會較少。樓主續指，近日被另一間細公司錄取，月薪5.9萬惟沒有津貼，職位「算係」經理級，福利及不上現時的職位，因此猶疑「值唔值得為咗個m位由大公司跳去細公司」。樓主又補充指，自己畢業已3至4年，現時的工作性質類似Corporate sales(企業銷售)，並指雖然在大公司工作較少壓力，「但我又係到諗，好似都係個機會，以後想搵M可能無咁易」。

帖文一出隨即引起熱議，大部分人認為樓主應該留在現時的公司。網民指，「細公司畀盡半年後就會炒咗你」、「一定係做大公司，細公司轉工，人哋連你間公司係乜都唔知」、「我唔認識你，不過做得幾年就升M，我覺得時候尚早，倒不如留喺大公司，至少無咁大壓力」、「你想爬上去嘅話就一定要去，至少你會有經驗，但如果你想平平無奇安定嘅話就留啦」等。

有人則認為樓主應該轉工，並指「人為錢看」、「拎咗人工，唔岩做再轉番其他同行大公司都得」、「細公司先有得發圍」、「Title 同錢都升，我諗唔到有咩理由唔轉」等。關於呢個人生的抉擇，你又會點揀呢？

資料來源：連登討論區