自從OpenAI推出咗ChatGPT之後，極速成為近期最紅嘅Topic，好多人都急不及待試吓呢類型嘅人工智慧聊天機器人，睇吓佢哋嘅新奇之處。
 
ChatGPT唔單止可以編碼、撰寫論文，甚至可以充當搜索引擎，喺未來會成為人類工作嘅重要工具。最近，有美國期刊報導ChatGPT通過美國執業醫師資格考試（USMLE），得分達到或接近及格所需的60分，意味著ChatGPT日後或者會幫手提供問趁服務。
 
連醫生呢類專業人士都可能會被淘汰，仲有邊啲工種會面臨同樣情況？

1. 科技工作（程式設計師、軟體工程師、數據分析師）
程式設計師(Programmer)可能係最危險嘅職業，因為ChatGPT可以撰寫程式，比人類更加準確去設計，加快流程。其次，Data Analyzer嘅工作都好危險，始終電腦擅長分析大量資訊但不需要太多判斷嘅工作。


 
2.金融工作（金融分析師、個人理財專家）
若工作上牽涉到操縱大量金融數據，都可能會有危險，因為AI（人工智能）可以利用一間金融公司嘅數據預測到更好嘅投資組合。日後，我哋睇嘅投資報告可能都會由AI編寫出嚟。


 
3. 法律工作（法律助理）
一旦ChatGPT越嚟越熟習使用法律語言，部分法律工作將會面臨危險，例如律師寫嘅狀紙、存證信函都可以靠AI機器人幫忙寫。



4. 媒體工作（網絡行銷、內容創造者、技術寫作、新聞、作者）
我哋做編輯呢行嘅職業都好大機會被取代，慢慢由Ai去編寫文章。不過，有報導指出ChatGPT會有資訊錯誤，例如編造了某人無講過嘅說話做引用。
 
緊記大家千祈唔好百份百信哂人工智慧聊天機器人講嘅說話。

不過各位打工仔又唔駛太過灰，應該係時候停一停，思考吓如何裝備自己，增值自我。
 
1.提升自我判斷力
其實ChatGPT只係將資料排列組合，入面到底有嘅嘢究竟有無意義或者重要性有幾高，都係要靠人類判斷。若果你自己盲目跟隨ChatGPT嘅答案，咁你喺公司嘅位置就當然容易被取代。
 
ChatGPT只係工具加快以往煩覆嘅工序，提升工作效率和決策能力，而人先係真正決定嘅關鍵！
 
2.人性化處理
雖然頭先講到醫生或者法律嘅某工作會被取代，但機械人始終唔係人，每個人都有唔同嘅想法同情況。
 
以睇病為例，電腦的確可以計算對「三高」病人最佳處方，但實際上每位病人都有唔同嘅想法，去到最後都要醫生了解每名病人嘅需要，照顧病人。
 
3. 提升社交能力
AI始終是AI，只是根據數據去作答，但人係社交動物，唔係只要答案，例如同客戶溝通、互相交流。
 
人類其中一樣最強嘅能力就係適應環境嘅能力，只要我哋不斷追求進步，AI將永遠無法超越，以上種種都可以令到自己可以喺數碼急速發展嘅年代自我增值！

文：Sliver