香港打工仔工時出名長,平均每星期要工作逾47小時,大部份嘅人都過住朝九晚五嘅生活。返工已經佔據咗生活接近一半時間,每日放工返到屋企都攰到半死,所以唔少打工仔為咗有多啲Me Time而寧願犠牲睡眠時間。
最近,有網民開帖提到自己每日都係瞓5個幾鐘就返工,返工長期唔夠精神,平時只係靠住意志力去頂。呢個Post一出得到海量回覆同Likes,得到唔少打工仔認同,話自己都係咁,仲話「瞓足8個鐘懷疑只係都市傳說」!
節錄咗部份網民嘅精彩留言,你哋又認唔認同?
- 「點解收工之後幾夜都唔想訓⋯⋯因為係香港做奴工,收工之後既時間先係自己」
- 「有時放工後喺地鐵月台瞓一陣先返屋企,屋企張床又瞓唔好」
- 「搞嘢都冇力」
- 「好多時收工翻到去食完飯做下家務都11點」
- 「放工返屋企都8點,沖埋涼食埋飯都9點幾,加埋一兩個鍾頭me time做自己嘢,已經搞到十一二點先上床瞓覺,仲要唔係即刻瞓得著,碌多半個鐘十二點幾先瞓得著,第二朝7點起身再loop過」
而其實呢個Post仲有下半Part都令人替樓主好可憐,就係佢話就算星期六日放假想瞓到10點打後,都總會8、9點醒咗,瞓唔返。有時生理時鐘已經較好就好難返轉頭,如果一亂咗返工反而更加無精神。
普通打工仔都無時間好瞓,咁到底Elon Musk呢啲千億富豪平時瞓幾多個鐘?
1. Elon Musk
Elon Musk曾經喺Twitter講過佢平時只係瞓六個半鐘,因為佢每日都要開會開到凌晨一至兩點。但佢講過6個鐘嘅睡眠時間就已經足夠,如果瞓少過6個鐘,佢覺得會降低了『整體生產率』!
2. MARK ZUCKERBERG
作為Facebook嘅CEO,佢每星期工作50-60小時,他透露每晚至少會睡夠5小時,確保他能集中精力。
3. BILL GATES
他跟大家嘅睡眠模式差唔多,通常都係午夜瞓,早上7:00醒來。他曾經講過會嫉妒嗰啲唔駛點睡覺嘅人。佢講至少需要7小時睡眠先可以維持最佳狀態。
4. JEFF BEZOS — 亞馬遜CEO:睡眠8小時
「8 小時的睡眠對我來說意義非凡,我都盡量把睡眠排在優先序位」,Bezos在2016年時曾說,「要感到精力充沛、精神良好,就一定得睡飽」。
5. 巴菲特(WARREN BUFFETT)— 股神:睡眠8小時
巴菲特一般會在晚上10:45之前入睡,早上6:45起床,在家看看報紙,在回公司的路上買他心愛的快餐,然後80%的時間都用來閱讀。
6. TIM COOK — 蘋果CEO:睡眠7小時
Tim Cook每日大概會在早上4:30起床,有報導指他近年越來越早起,早上3:45就會醒來。其一天之始會用來鍛煉身體並發送電子郵件。而睡覺就會在晚上9:30左右上床休息,補足7小時睡眠。
7. Steve Jobs — 蘋果創辦人:睡眠8小時
Steve Jobs習慣臨瞓前去散步同冥想,六點就會準時起身。
原來大部分嘅香港仔同千億富豪嘅瞓覺習慣都差唔多,即係大家都有望成為下一位Elon Musk或者ZUCKERBERG!
我揀咗一個最鍾意嘅留言,分享畀大家~「有時訓到一個長訓真係好難得」
~祝大家有覺好瞓~
文:Sliver