最近天氣熱到爆錶，屯門一間台式食店出奇招——店內大電視竟然播住一個「電風扇畫面」幫客人消暑！黑色背景配埋左右搖擺嘅風扇動畫，望落好似真係吹緊風咁！

唔講唔知，竟然真係有食客誤會咗！有位阿姨食到一半，熱到受不了，仲認真咁同店員講：「可唔可以較低個風扇頭呀？」店家即刻愣住：「我都唔知要較低個mon定個頭…」😂

💬 網民笑爆：

• 「阿姨想你拆個mon畀佢放喺枱面吹！」
• 「你咪較低你自己個頭囉，算係風壓嚟～」
• 「曲mon +直播 + 圓形風扇 = 全都正確！」

🌬️ 視覺涼快咩事？心理作用嚟！ 有網民表示：見到畫面真係覺得涼咗，視覺刺激直接影響身體反應，就好似見到核突嘢會反胃一樣。

仲有人搞搞震建議：「不如下一步播冷氣畫面啦，開個Samsung冷氣界面，有冇風吹唔緊要，心理有風就夠！」

原來呢招喺內地已經興咗一輪——汕頭、陝西、福建都試過，商場直接播放風扇動畫，希望畀市民「心理上涼快啲」。商場宣傳仲話：「天氣太熱，用畫面送啲清涼畀你～」

有時唔係要真風  有心有畫面就夠爽！
下一步係咪播埋水冷冰粒畫面，或者將風扇畫面加埋聲效再升級？阿姨，下次嚟記得帶埋你部真風扇！

文：田心＠ECjobsonline 編輯部