好多打工仔年輕時都會嘗試唔同工作，累積更多經驗。但HR或老闆見到你份CV轉工次數頻密，難免會懷疑你嘅忠誠度，甚至擔心你太「jumpy」而唔請你。面試時被問到「點解辭職」、「做咗咁多年點解唔繼續」、「點解突然轉工」等問題，應該點樣答，先可以令老闆覺得你既忠心又有能力？

1. 公司被收購
公司被收購往往伴隨架構重整同裁員潮，前景未必明朗，新方向亦可能唔係自己專長。以此作為離職理由，屬於外在因素，面試官一般都能理解。

2. 前公司文化保守
面試時唔好直接批評舊公司，可以先肯定其發展，再指出行業競爭激烈、決策文化過於保守，難以突圍。強調自己認同新公司的理念，顯示你有危機意識同宏觀視野。

3. 能力或理念不符
員工要長期投入，必須理念一致、能力能發揮。如果出現大材小用、人崗不匹配，甚至理念背道而馳，就難以繼續。以此作為理由，能突顯你重視發揮同價值觀。

4. 搬遷到外地
國際企業有時會搬遷或頻繁派遣，但有家庭責任的員工未必能跟隨。以家庭因素辭職，屬於合理解釋，面試官一般會接受。

5. 職位生命周期完結
部分職位只為完成階段性任務而設，任務完成後自然冇繼續留低的必要。這種情況屬於合理離職，應聘公司通常能理解。

6. 公司發展緩慢
在缺乏發展機會的公司待得愈耐，愈難吸收新知識。離職屬於逼不得已，面試官亦會明白你追求成長的心態。

雖然人人都會想轉換工作環境，但切記唔好用「人工太低」、「經常OT」、「同事唔夾」、「公司刻薄」等負面理由。要以合理、正面角度去解釋，令面試官覺得你並非隨便離職，而係有深思熟慮，咁印象分自然會高好多。

文：Noelle＠ECjobsonline 編輯部