近年職場流行一個新概念——「打工創業家」（Intrapreneur）。簡單嚟講，就係一個喺公司入面展現創業精神嘅員工。佢哋唔係自己開公司，而係利用創業家嘅思維，推動組織創新，改善流程，甚至開拓新市場。

何謂打工創業家？
打工創業家係一種 mindset。佢哋唔只係完成上司交代嘅工作，而係主動諗新方法，提出新 idea，解決公司面對嘅問題。研究指出，內部創業家能幫助企業避開官僚惰性，推動文化革新，令公司保持競爭力。

打工創業家的特質
打工創業家視自己嘅工作為一盤生意，對職位充滿熱情，總會諗到新方法應付挑戰。佢哋忠於自我，真誠謙虛，能夠建立信任；亦善於合作，懂得建立人際網絡，互相支援。最重要係有自信，敢於提出創新 idea，主動開展項目，唔怕失敗，願意從錯誤中學習。

點解打工創業家對公司咁重要？
一間公司最優勝嘅地方，就係有一班重視自己工作、願意投入嘅員工。打工創業家能夠提升產品與服務質素，增加團隊滿足感與投入度，仲可以推動文化革新，保持競爭力。哈佛商業評論亦指出，內部創業家比一般員工更快推動改變，因為佢哋自動自發、不受限制地思考。

如何成為打工創業家？
要成為打工創業家，首先要主動出擊，例如主動 send email 跟進討論，提出新方案。其次要擁抱變化，隨時應對突發情況，保持彈性。持續學習亦好重要，從錯誤中吸取經驗，累積技能。建立人脈，多幫助同事，換來互相支持。最後要展現熱忱，將工作視為自己的事業，投入心力。

打工創業家唔單止令自己職場更突出，仲能推動公司進步。對打工仔而言，這種精神可以成為履歷亮點，甚至係未來事業成功的基石。企業亦應鼓勵員工發揮創業精神，避免人才流失，打造更具活力的文化。

文：Jamie＠ECjobsonline 編輯部