香港搵食唔易，但近年越來越多人講夢想、講自由，寧願生活清苦，都唔想畀份工綁住一世。有啲人甚至夠膽炒老細魷魚，玩裸辭，拎晒身家去環遊世界。聽落好似好型，但其實裸辭唔止要勇氣，仲要具備以下5個條件，否則分分鐘由夢想變惡夢。

1.有足夠儲蓄
裸辭唔等於一勞永逸，反而可能係你憂慮的開始。冇收入又唔打算即刻搵工，就要靠儲蓄過活。你有冇能力捱一年半載？冇的話，可能唔夠一個月就要打幾份 part-time 撐住生活。裸辭前，先問自己：夠唔夠錢洗？

2.有信心搵到下一份工
辭職後休息一陣，再加搵工、見工，最快都要幾個月先有著落。如果你仲打算去旅行、gap一段時間，CV出現空窗期，公司會點睇？你有冇足夠經驗、技能、信心去說服人哋請你？冇底氣的話，封辭職信唔好亂遞。

3.清晰人生目標
唔返工唔代表唔做嘢。你係想進修？做義工？創業？定純粹想抖吓？裸辭前要諗清楚自己下一步係咩，否則好容易迷失方向，日日無所事事，搞到情緒低落。有目標，先有動力。

4.有心理準備與社會脫節
職場變化快，你一離開，可能就錯過咗新技術、新趨勢。等你想返工時，已經落後人哋幾步。裸辭唔止係休息，仲係一場與社會節奏的暫時告別，你準備好未？

5.裸辭對你人生真係有幫助
唔滿現狀、想休息、想轉型都係裸辭的理由，但最重要係：你清楚知道自己做緊咩，而呢個決定對你未來係有益的。如果只係一時衝動，咁你可能根本未準備好，之後後悔都遲。

裸辭唔係逃避，而係選擇。但呢個選擇要有計劃、有準備、有承擔。如果你仲未具備以上條件，咁不如先穩穩陣陣做住打工仔，等自己ready咗再出發。夢想唔會走，但你要有能力追。

辭職後休息一陣，再加搵工、見工，最快都要幾個月先有著落。如果你仲打算去旅行、gap一段時間，CV出現空窗期，公司會點睇？你有冇足夠經驗、技能、信心去說服人哋請你？冇底氣的話，封辭職信唔好亂遞。

文：Noelle＠ECjobsonline 編輯部