Halloween派對飲到High爆，第二朝醒嚟頭痛欲裂、胃又翻緊滾？仲要返工？唔使驚！以下8招「酒後急救法」，幫你由殭屍狀態變返人類！

1. 蜜糖水：舒緩頭痛＋加快代謝
蜂蜜含有天然果糖，能促進肝臟分解酒精，減輕頭痛症狀。美國研究指出，果糖能加快乙醇代謝速度，令酒精更快排出體外。
✅ 飲酒後即刻飲一杯蜜糖水，有助減輕頭痛、回復精神！

2. 蕃茄汁：解頭暈＋穩定情緒
蕃茄汁含特殊果糖，分解酒精效果比生食蕃茄更強。加少少鹽仲可以穩定情緒，減少酒後焦躁不安。
✅ 飲酒後感到頭暈、心跳加速時，飲杯蕃茄汁幫你「定返神」！

3. 提子：舒緩反胃＋預防醉酒
提子含酒石酸，能與酒精中的乙醇作用，降低體內酒精濃度。酸甜口感亦有助舒緩反胃、噁心。
✅ 飲酒前食幾粒提子可減少醉酒機會，飲後食亦可紓緩胃部不適！

4. 芹菜汁：護腸胃＋退面紅
西芹富含B族維生素，有助分解酒精、改善腸胃不適。仲可以減少酒後面紅，唔怕變「關公」！
✅ 飲酒前飲少少芹菜汁，打好底，減少腸胃負擔！

5. 西瓜汁：降溫＋排毒
西瓜汁有清熱去火功效，能加快酒精排出，避免身體吸收過多酒精引致發熱。加鹽可穩定情緒。
✅ 飲酒後感到全身熱辣辣，飲杯西瓜汁幫你降溫！

6. 柚子：去除酒氣＋清新口氣
《本草綱目》記載柚子有解酒功效。切粒點白糖食，能去除酒氣、臭氣，返工唔怕開口！
✅ 飲酒後口氣重？食粒柚子即刻清新晒！

7. 水：補水＋排走毒素
酒精令身體脫水，飲水係最簡單又最有效嘅醒酒方法。加鹽可補充電解質，幫助身體回復平衡。
✅ 飲酒後多飲水，幫身體排毒、補水、醒神！

8. 食物：補充營養＋減少吸收
飲酒前後食嘢可減慢酒精吸收速度，減少對腸胃刺激。食物亦可補充鈉、鉀、鎂等礦物質，幫助身體恢復。
✅ 飲酒前打底，飲後補充營養，身體快啲回復正常！

小貼士：與其事後急救，不如事前預防！派對前食啲嘢打底，減慢吸收速度，先係王道！記住：飲得開心之餘，都要識得保護自己，唔好飲過量，唔好變真殭屍

文：Noelle＠ECjobsonline 編輯部