唔少打工仔為咗提升效率，都會建立一套自認「正面」嘅工作習慣，例如寫 to-do list、整理文件、即時回覆訊息等。但根據史丹福大學（Stanford University）研究，過度計劃與Mutli-tasking（多工處理）反而會令生產力下降多達30%。以下5個常見習慣，可能正正係你效率低下嘅元兇：

1. To-do list：寫得多，做得少
To-do list 本意係幫你理清優先次序，但根據 Mindmonia 報告，超過60%人每日寫清單後都無法完成一半項目。原因包括：

• 計劃趕不上變化，清單不斷重寫
• 寫完就當完成，反而拖延執行
• 缺乏持續性，寫兩日就放棄

✅ 建議：每日只列3件最重要任務，避免「清單焦慮」。

2. 文件分類過度，反而混亂
將文件分門別類睇落好有條理，但當新文件不斷湧入，分類系統就變得難以維持。
✅ 建議：每日只處理當日＋翌日要完成嘅文件，預留空間應對突發事項。

3. 即時回覆＝高效率？錯！
即時回覆客戶或快速完成任務，睇落好勤力，但根據 Robin Weser 分析，過度追求速度會導致錯漏率上升，反而拖慢整體進度。
✅ 建議：善用Deadline，預留時間校對，準確比即時更重要。

4. 桌面太整齊，反而唔自然
研究指出，適度混亂的工作空間有助激發創意與記憶力。你熟悉自己嘅「亂中有序」，反而更快搵到所需物品。
✅ 建議：保持功能性整潔，而非視覺完美。

5. 一味迎合，失去自我
職場唔等於放棄原則。過度迎合只會壓抑創意，令團隊失去多元聲音。
✅ 建議：尊重他人同時，勇於表達立場，建立健康職場互動。

唔係所有「好習慣」都啱你習慣要因人而異，唔係一刀切。試過、調整過，先知道咩先至最啱你。工作效率唔係靠堆砌技巧，而係靠識得取捨。

文：Jamie＠ECjobsonline 編輯部