近年隨住電競熱潮，職場心理學亦興起咗一個新概念——工作遊戲化（Work Gamification）。簡單嚟講，就係將電子遊戲嘅元素同機制引入工作環境，令員工更投入、更有動力。早喺 2017 年，心理學家 Cardador、Northcraft 同 Whicker 已經探討過工作遊戲化嘅利弊，並提出佢可以成為傳統員工表現管理系統嘅延伸，目的係提升員工對工作表現嘅認知同投入度。

傳統管理系統主要有兩個方向：一係知識層面，透過資訊令員工了解自己表現，從而改善不足；二係情感層面，令工作更貼近員工價值觀，提升興趣同投入度。遊戲化嘅加入，正正可以加速呢個系統嘅運作。好似打機咁，玩家即時知道排名、得到獎勵，工作遊戲化亦能提供即時、具體同可比較嘅回饋，特別能激勵競爭心強、追求表現嘅員工。

在情感層面，遊戲化令工作更有趣。管理層可以將項目設計成比賽，或者團隊合作打「BOSS」，每完成一個任務就得到即時回應同獎勵。前者吸引競爭型員工，後者則促進團隊合作。正如手機遊戲大多數係自發性參與，搬到工作上，員工亦會因為自主性提高而更投入。研究指出，工作進行到中期最容易令員工投入，因為一部分已經熟悉，另一部分仍有新挑戰，正好符合遊戲化嘅激勵模式。

📊 最新數據支持：

• 90% 員工認為遊戲化令工作更有生產力。
• 35% 員工報告生產力提升。
• 78% 銷售團隊在遊戲化制度下達成更高配額。
• 引入遊戲化的入職培訓，員工流失率可降低 40%。
• 平均參與度提升 48%，平台使用時間增加 40%。

總括而言，工作遊戲化不單止係潮流，而係有數據支持嘅有效策略。佢能夠提供即時回饋、提升投入度、加強團隊合作，甚至降低流失率。對管理層而言，遊戲化係一個值得考慮嘅工具，可以令員工更專注、更有動力，最終提升整體工作表現。

文：特雷弗＠ECjobsonline 編輯部
讀嘅係心理學，做嘅又係心理學嘅嘢，志願係唔再做心理學嘅嘢。