香港人生活節奏急速，經常「食無定時」：趕返工唔食早餐、午餐拖到下午茶、OT完先大吃一餐。長期咁樣落去，最傷嘅其實係你個胃。如果你經常覺得胃脹、頂住頂住，甚至有「唔吐唔快」嘅感覺，可能已經係胃氣脹（功能性胃痛）嘅徵狀。根據腸胃科醫學研究，超過 30% 都市人曾受胃氣脹困擾，而成因往往與日常飲食習慣有關。

胃氣脹成因與5大飲食地雷
1. 不能消化的食物：乳糖不耐症
牛奶及奶類製品含乳糖，需靠乳糖酵素分解。超過 90% 亞洲人缺乏乳糖酵素，乳糖無法消化，會在腸道發酵產生氣體，引致脹痛。
建議：選擇乳糖分解產品或植物奶

2. 消化困難的食物：高脂高油
煎炸食物、劣質食油、熟透蔬果都難消化，容易在腸道發酵。
建議：減少油炸，多食原型食物，蔬果可選擇生食（如能接受）

3. 刺激性食物：煙酒咖啡茶
長期吸煙、飲酒、飲茶（包括港式奶茶、綠茶）會令腸胃黏膜受損，增加胃炎、潰瘍風險，亦會令胃酸倒流機率上升。
建議：減少刺激性飲品攝取，改飲暖水或無咖啡因茶

4. 糙米、多榖米、豆類未處理好
這類食物雖然健康，但若未經浸水處理，種子上的生長抑制劑會刺激腸道，導致胃氣脹。
建議：烹調前先浸水 6–8 小時並棄水，促進消化

5. 加工或農藥殘留高的食物
即食包裝食品含防腐劑、色素；非有機水果（如士多啤梨、提子）可能有農藥殘留，影響腸胃消化。
建議：選擇有機或徹底清洗果皮

胃氣脹唔止係唔舒服咁簡單，長期忽視可能引發更嚴重腸胃問題。改善飲食習慣、定時定量進食、減少刺激性食物，就係守護腸胃健康嘅第一步。

文：Eric＠ECjobsonline 編輯部